Kab Khuda Karbala Main Jaon Ga | ALI AMMAR s/o ALI SAFDAR | 2021/1443 | New Noha

KAB KHUDA KARBALA MAIN JAON GA
ALI AMMAR S/O ALI SAFDAR | 2021 | 1443
POET: ASIF ABIDI 
EDITING: MIRZA SHAHMEER & MUHAMMAD UZAIR 

LYRICS:
یہ عزادار کے دل کی ہے صدا 
کب خُدا کربلا میں جاوں گا 
میرے ہوںٹوں پے بس یہی ہے دعا 
کب خُدا کربلا میں جاوں گا

لُوریوں میں سُنی ہے کربوبلا 
خوں کی رُو میں بسی ہے کربوبلا 
ہر  نَفَس میں رَچِی ہے کربوبلا
مقصدِ  زندگی ہے کربو بلا 
ہے تَمنّا کروں وہاں سجدہ

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 

کروں ماتم میں رُو بَرُوِ  حرم
وہیں سجدے ادا کروں پَیہم  
اشکِ  غم سے کروں فَضا پُر نم 
خاک میں وَاں کی کر لوں خود کو ضم 
اِسی حسرت میں دِل ہے اَفسردہ

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 

آرزو ہے کے دیکھوں جنّت کو 
سَببِ  کُن ہے جو وہ نعمت کو 
سِدرَتہ المُنتہا  کی حسرت کو 
جلوۂ  طور  کی علامت کو 
یہی حسرت ہے یہ ہے میری دعا

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 
 
بات بَن جاۓ  ہو جو تیری نَظَر 
کربلا میں بسر ہو شام و سحر 
رنگ جماۓ  وہاں وِلا کا ہُنر 
اور وہیں ختم ہو نَفَس کا سفر 
پوری ہو میری یہ دعا مولا

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 
 
میری نظروں میں زخمِ  اکبر ہے 
مشک چھدنے کا خونی مَنظَر ہے 
تِیر سِہ شُعبہ اور اصغر ہے 
وہ گُلو کُند سا وہ خنجر ہے 
چشم سے میری کب گیا گریہ

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 

یاد ہے غُربتِ  غریباں بھی 
اور وِحشت زدہ بیاباں بھی
یاد ہے آگ کا وہ طُوفاں بھی
یَاد ہے بے کَسی کا ساماں بھی 
کیسے بھولے کوئی وہ جور و جفا

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 
 
یاد ہے مَنظَرِ اسیری بھی 
غم سے لبریز وہ اُداسی بھی 
بے کَسوں کی وہ بے نوائی بھی 
آلِ  زہرا کی بے ردائی بھی 
یاد ہے بیبیوں کی آہ و بُکا

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا 

قلبِ  آصف کی آرزو یہ ہے 
اَے خُدا خُونِ  جون کے صدقے 
اُس کے نوحے کی آبرو رکھ لے 
اُس کا پُرسہ قُبول ہو جائے
علی عمّار کی بھی یہ ہے دعا

کب خُدا کربلا میں جاوں گا
یہ عزادار کے دل کی ہے صدا 
کب خُدا کربلا میں جاوں گا