Kamsina Hai Abhi Teri Zainab - Syed Zain Ali Zaidi - New Noha Ayyam-e-Fatimiyah 2023
Kamsina Hai Abhi Teri Zainab,Syed Zain Ali Zaidi - New Noha
Ayyam e Fatmiyah 2023
Title | Kamsina Hai Abhi Teri Zainab s.a
Reciter | Syed Zain Ali Zaidi
Poet | Zeeshan Abidi
Composition | Nayyar Abbas (Skardu)
Mix & Master | ODS-Karachi
Back Vocalist | Hasnain Mehdi , Rizwan Mirza , Shahrukh Abbas , Khurram Sunny
Video & Edit | ZB Records
Set Design | Mohsin Jaffri
Creative | AH Creation
Label | ZB Records
============Lyrics=============================
Aik Pehlu Shikasta Bibi Ko
Dafn Jab Kar Chuke Lehad Mai Ali
Haye Zainab Ka Jab Khayal Aya
Rokey Haider Ne Ye Kaha Bibi
Kamsina Hai Abhi Teri Zainab
Or Bicharna Tera Qayamat Hai
Qabr E Zehra Pe Kehrahe Ali
Lekay Maiyat Chala Mai Jab Ghar Se
Ayi Thi Sath Sath Wo Peeche
Ghar Se Sedaniyaan Nikal Ti Nhi
Maine Zainab Se Jab Kaha Roke
Boli Mai Kaise Maa Se Duur Rahun
Paas Rehney Ki Mujh Ko Aadat Hai
Bin Tumharey Yahan Se Ay Zehra
Kitna Mushkil Hai Aj Ghar Jana
Jab Wo Mujhse Lipat Ke Puchey Gi
Meri Amma Kahan Hain Ay Baba
Kaise Zainab Ko Mai Sambhalun Ga
Dekho Ye Mujhpe Kaisi Ghurbat Hai
Dekh Kar Maa Ko Jee Rahi Thi Jo
Tum Kaho Kaise Ab Jiye Gi Wo
Kitna Mushkil Hai Maa Ke Bin Jeena
Yaad Aaogi Tum Bahot Uske
Qabr Pe Usko Lekey Aata Rahun
Han Tumhari Agar Ijazat Hai
Dar Ke Girne Se Pehlu Zakhmi Hua
Tha Nishaan Chehrey Pe Tamachy Ka
Samne Pasliyan Bhi Toot Gayi
Usne Is Haal Mai Tumhe Dekha
Phir Bhi Beti Ke Dil Ko Dharas Thi
Maa Ka Saya Abhi Salamat Hai
Maa Ka Har Farz Wo Nibhaye gi
Pani Shabbir Ko Pilaaye Gi
Jab Bhi Dekhey Gi Apne Bhai Ko
Usko Ye Baat Yaad Ayegi
Pyasa Shabbir Naa Rahe Zainab
Tum Se Zehra Ki Ye Wasiyat Hai
Zain O Zeeshan Haal e Dil Kehke
Qabr e Zehra Se Jab Ali Uthe
Jaatey Jaatey Palat Ke Bas Ye Kaha
Meri Zainab Ko Hosla Dainey
Dekho Tum Roz Khawb Mai Aana
Usko Maa Ki Abhi Zaroorat Hai
Comments
0