Khudai Hai Sari | Sajjad Zaidi & Mesum Zaidi | New Manqabat 2024

Khudai Hai Sari | Sajjad Zaidi & Mesum Zaidi | New Manqabat 2024
Written By Shayer e Bab Ul Hawaij Noor Ali Noor (Chicago USA)
Composed by Rizwan Zaidi
Arrangements by Sajjad - Mesum
Audio By One Ten Media, Rizwan Zaidi
DOP Sharim Naqvi
Video Edit by One Ten Media, Karachi

منقبت

خدائی ہے ساری خدا کے حوالے
خدا خود ہے کرب و بلا کے حوالے

قسم حق کی گیارہ محرم سے اب تک
ہے کرب و بلا اِک رِدا کے حوالے

حسینؑ اور عباسؑ کا نام لے کر
دئیے کر دیئے ہیں ہوا کے حوالے

سمجھ لینا تطہیر کا ہے وہ منکر
جو مانگے حدیثِ کساء کے حوالے

وہی سجدے پہنچے ہیں میرے خدا تک
جو سجدے ہیں فرشِ عزا کے حوالے

خدا کی رضا مانگتا ہوں علیؑ سے
ہے اُس کی رضا مرتضیٰؑ کے حوالے

نہ آئی کبھی اُس کے رستے میں مشکل
ہُوا جو بھی مشکل کشا کے حوالے

جہاں میں جہاں پر بھی ہوتے ہیں سجدے
ہیں سجادؑ کے نقشِ پا کے حوالے

مرے گھر میں برپا ہے اے نورؔ مجلس
مرا گھر ہے اب سیدہؑ کے حوالے

شاعرِ باب الحوائج نور علی نورؔ