Noha Mola Qasim | Mesum Abbas Noha 2020 | Hogayi Dair Mujhe
Hazrat Qasim Ka New Noha 2020 by Mesum Abbas for Muharram. Written by Mir Hilal (India Composed by Raza Shah.
NOHA LYRICS
Haye Qasim, Haye Qasim
Sheh Ne Rotay Huay Qasim Se Kaha, Hogayi Dair Mujhe Aane Mai
Tujhse Sharminda Hai Beta Ye Chacha, Hogayi Dair Mujhe Aane Mai
Kal bahattar they giray qalbe Hasan ke tukre
Hai hazaaron mai yahaan tere badan ke tukre
Aaj phir mara gaya Bhai mera… Hogayi Dair Mujhe Aane Mai
Hogayi ho jo kabhi farz nibhaane mai kami
Jaake Baba se shikayat nahi karna meri
Milke unse mai kahoonga bhi to kya…
Baariyan leke udu ghoron ko dauraate rahe
Aur mai tujhko bacha paya na pamaali se
Tu sadaaon pe sada deta raha…
Kaash maqtal mai jo kuch pehle mai aya hota
Aaj dulha meri beti ka bhi zinda hota
Kaise Kubra se kahoonga mai bhala…
Iss qadar jism tera bikhra hua tha beta
Jabaja khaak pe maqtal ki mai chunta hi raha
Phir bhi tu poora mujhe mil na saka…
Rakh ke ghatri mai jo le jaaonga lasha tera
Maa jo pooche gi kahan rehgaya beta mera
Kaise maa ko teri batlaaonga…
Kaisi naushah ki ghurbat thi Hilal aur Mesum
Laash ke tukre tadapte they zameen par peham
Jab ye kehte they Shahe Karbobala…
Comments
0